रुपा गाउँपालिका अन्तर्गतका नौ वटा मा.वि.का शिक्षक शिक्षिकाहरुलाई ३ दिने विद्यालय आयुर्वेद तथा योग शिक्षा कार्यक्रम संचालन
गण्डकी आयुर्वेद औषधालय, कास्कीको आयोजना एवं हंसपोखरी आयुर्वेद औषधालय र देउराली आयुर्वेद औषधालयको व्यवस्थापनमा रुपा गाउँपालिका स्थानीय आयोजक रही रुपा गाउँपालिका अन्तर्गतका नौ वटा मा.वि.का अठार शिक्षक शिक्षिकाहरुलाई ३ दिने विद्यालय आयुर्वेद तथा योग शिक्षा कार्यक्रम सम्पन्न भयो ।
मिति २०८१/०२/३२ देखि २०८१/०३/०२ सम्म रुपा गाउँपालिका वडा नं.०५, खडागाउँमा संचालित कार्यक्रमको उदघाटन सत्रका प्रमुख अतिथि रुपा गाउँपालिका अध्यक्ष श्री नवराज ओझाले सहभागी विद्यालयमा आयुर्वेद तथा वैकल्पिक चिकित्सा विभागले तयार गरेको विद्यालय आयुर्वेद तथा योग शिक्षा पुस्तक अनुसार आयुर्वेद कक्षा संचालन गर्ने निर्देशन दिदै स्थानीय पालिकाले तयार गर्दै गरेको ६ कक्षा भन्दा माथिको पाठ्यक्रममा अनिवार्य आयुर्वेदको विषय राखिने बताउनु भयो ।
नौ वटै मा.वि.का अठार शिक्षक शिक्षिकाहरुले आ-आफ्नो विध्यालयमा विद्यालय आयुर्वेद तथा योग शिक्षा संचालन गर्ने प्रतिबद्धता सहित सम्पन्न सो कार्यक्रमको सहजीकरण भिडावारी प्राथमिक स्वास्थ्य केन्द्रका आयुर्वेद चिकित्सक डा.अनिल थापा र गण्डकी आयुर्वेद औषधालयका डा.रामकृष्ण भूजेलबाट भएको थियो ।
28