नागरिक आरोग्य अभियान अन्तर्गत जिल्ला नागरिक आरोग्य समितिको आयोजनामा कास्की जिल्लाका सबै पालिकाका प्रमुख उपप्रमुख प्रमुख प्रशासकीय अधिकृत स्वास्थ्य शाखा प्रमुख शिक्षा शाखा प्रमुखहरुलाई नागरिक आरोग्य कार्यक्रम आयुर्वेद सेवा र संस्थाहरु साथै परिवर्तित जीवनशैलीको असर समाधानका उपाय सँगै कार्यालयमै गर्न सकिने योग कर्पोरेट योग र मेच सूर्यनमस्कार गराइ सम्पन्न गरियो।
नागरिक आरोग्य अभियान अन्तर्गत जिल्ला नागरिक आरोग्य समितिको आयोजनामा गण्डकी प्रदेश प्रमुख माननीय डिल्लीराज भट्ट ज्यूको प्रमुख आतिथ्यतामा र जिल्ला नागरिक आरोग्य समिति संयोजक श्री लिलाधर पौडेल ज्यू (जिल्ला समन्वय समिति प्रमुख) को अध्यक्षतामा कास्की जिल्लाका सबै पालिकाका प्रमुख, उपप्रमुख, प्रमुख प्रशासकीय अधिकृत, स्वास्थ्य शाखा प्रमुख, शिक्षा शाखा प्रमुखहरुलाई नागरिक आरोग्य कार्यक्रम आयुर्वेद सेवा र संस्थाहरु साथै परिवर्तित जीवनशैलीको असर समाधानका उपाय सँगै कार्यालयमै गर्न सकिने योग कर्पोरेट योग र मेच सूर्यनमस्कार गराइ सम्पन्न गरियो। सो कार्यक्रम डा. रामकृष्ण भूजेल मगरले संचालन गर्नु भएकव थियो भने सामाजिक विकास तथा स्वास्थ्य मन्त्रालयका चिकित्सा माहाशाखा प्रमुख डा. रमेश कुमार के. सी. ज्यूले स्वस्थ जीवनशैली र नसर्ने रोगहरुको रोकथामका उपायहरु शिर्षकमा आफ्नो प्रस्तुति प्रस्तुत गर्नुभयो। त्यस्तै गण्डकी आयुर्वेद औषधालयका प्रमुख डा. कुमार कासुला ले कास्की जिल्ला भित्रका आयुर्वेद संस्थाहरु र त्याहाँबाट उपलब्ध हुने सेवाहरुका साथै नागरिक आरोग्य कार्यक्रम एवं अभियान संचालनको बारेमा प्रस्तुति प्रस्तुत गर्नुका साथै कर्पोरेट योग र मेच सूर्यनमस्कारको अभ्यास समेत गराउनु भएको थियो । सोही कार्यक्रममा मेरो स्वास्थ्य मेरो जिम्मेवारी नारा सहितको स्वास्थ्य प्रति सजक हुने प्रतिवद्धता पत्रमा सम्पूर्ण सहभागीहरुले हस्ताक्षर गरी आ आफ्नो स्वास्थ्य प्रति जिम्मेवार हुुने प्रतिवद्धता पनि जाहेर गरेका थिए ।
66