बृहत आयुर्वेद स्वास्थ्य शिविर २०८१
मिति २०८१ बैशाख २७ गते बिहीबार सामाजिक विकास तथा स्वास्थ्य मन्त्रालयको समन्वय तथा लोक संस्कृतिक संरक्षण समिति र उज्जवल आमा समुहको व्यवस्थापन तथा गण्डकी आयुर्वेद औषधालयको आयोजनामा पोखरा महानगरपालिका वडा नं. २६ सक्नेरी को बहुउद्देशीय सामाजिक भवनमा बृहत आयुर्वेद स्वास्थ्य शिविर संचालन गरियो । सो कार्यक्रमको उद्घाटन सत्र सामाजिक विकास तथा स्वास्थ्य मन्त्रालयको सचिव डा. विनोद विन्दु शर्मा ज्यूको प्रमुख आतिथ्यतामा लाेक सांंस्कृतिक संरक्षण समितिका अध्यक्ष श्री जगन्नाथ तिमिल्सिनाको अध्यक्षतामा भएको थियो। सो सत्रको संचालन गण्डकी आयुर्वेद औषधालयका लेखापाल कृष्ण प्रसाद पौडेलले गर्नुभएको थियो। सो शिविरमा गण्डकी आयुर्वेद औषधालयका कर्मचारीहरु डा. कुमार कासुला, डा. दीक्षा पौडेल, ल्याब टेक्निसियन हेमन्त राना मगर, पंचकर्म सहायक शारदा के.सी., अनमी नीतु त्रिपाठी, अकुुपञ्चर सहायक स्वस्तिका श्रेष्ठ, अभ्यङ्गकर्ता सन्ताेष भूजेल, अभियानकर्ता गोविन्द आचार्य, कार्यालय सहयोगी बाबुराम भण्डारी र शोभा खनाल पौडेलले सेवा प्रदान गरेका थिए । सो शिविरमा जम्मा १५१ जनाले निःशुल्क स्वास्थ्य परीक्षण गरी औषधि प्राप्त गरेका थिए भने १४५ जनाको निःशुल्क सुगर परिक्षण, साथै १३ जनाको स्थनिक स्नेहन स्वेदन पनि गरिएको थियो। सो शिविरको लागि भास्कर हर्बास्युटिकल्स र देखः हर्बलबाट केही स्याम्पल औषधिहरु पनि प्राप्त भएको थियो।
Download: बृहत आयुर्वेद स्वास्थ्य शिविर २०८१
85